പൊന്നമ്പിളി പൊട്ടും തൊട്ട് - Ponnambili pottum thottu

ഗാനം: പൊന്നമ്പിളി പൊട്ടും തൊട്ട്   

രചന: ഗിരീഷ് പുത്തഞ്ചേരി

സംഗീതം: ജെറി അമൽ ദേവ്

പാടിയത്: കെ.ജെ. യേശുദാസ്

പൊന്നമ്പിളി പൊട്ടും തൊട്ട് മലർ മഞ്ഞു മാലയിട്ട് 

നിലാവു പോൽ മെല്ലെയന്നവൾ മുന്നിൽ വന്നപ്പോൾ

മെടഞ്ഞിട്ട കാർകൂന്തൽ ചുരുൾതുമ്പ് കണ്ടിട്ടോ

തുടുച്ചെമ്പകപ്പൂവാം കവിൾക്കൂമ്പ് കണ്ടിട്ടോ

മനസ്സാകവേ ഉതിരുമമൃത മഴയായ് ഓ...

പൊന്നമ്പിളി പൊട്ടും തൊട്ട് മലർ മഞ്ഞു മാലയിട്ട് 

നിലാവു പോൽ മെല്ലെയന്നവൾ മുന്നിൽ വന്നപ്പോൾ

ആമ്പൽപ്പൂവ് പോലെ കൂമ്പും കണ്ണിൽ നാണമായ്

മന്ദം മന്ദമെന്നേ നോക്കി മൗനം പൂണ്ടവൾ

ചുണ്ടിൽ ചെണ്ടുമല്ലി തോൽക്കും പൂന്തേൻ ചിന്തവേ

മണ്ണിൽ കാൽനഖത്താൽ സ്വപ്നചിത്രം തീർത്തവൾ അവളെൻ നെഞ്ചിലുണരും പ്രേമകലതൻ ദേവിയായ്

ഹൃദയം പൂത്തുവിരിയും ദീപ നിരതൻ നാളമായ്

ഉള്ളിനുള്ളിൽ ചന്ദ്രിക മെഴുകിയ സന്ധ്യാ ശോഭയായ്

പൊന്നമ്പിളി പൊട്ടും തൊട്ട് മലർ മഞ്ഞു മാലയിട്ട് 

നിലാവു പോൽ മെല്ലെയന്നവൾ മുന്നിൽ വന്നപ്പോൾ

കാലം തന്റെ കൈക്കുറുമ്പാൽ ജാലം കാട്ടവേ

പാവം നിന്ന പെണ്ണിൻ ലോല ഭാവം മാറിയോ

കണ്ണിൽ കണ്ട സ്വപ്നമെല്ലാം കനലായി വിങ്ങിയോ

ചുണ്ടിൽ പൂത്ത ചിരിയോ നീറും ചതിയായി തീർന്നുവോ

കലിയിൽ തുള്ളി രുചിരമുതിരും കാളിയായ്

അലറും പൊള്ളുമിടിവാൾ പോലെ പുളയും കോപമായ് 

പിന്നെ മുന്നിൽ തീമഴ പെയ്തവളെങ്ങോ മാഞ്ഞു പോയ്

പൊന്നമ്പിളി പൊട്ടും തൊട്ട് മലർ മഞ്ഞു മാലയിട്ട് 

നിലാവു പോൽ മെല്ലെയന്നവൾ മുന്നിൽ വന്നപ്പോൾ

മെടഞ്ഞിട്ട കാർകൂന്തൽ ചുരുൾതുമ്പ് കണ്ടിട്ടോ

തുടുച്ചെമ്പകപ്പൂവാം കവിൾക്കൂമ്പ് കണ്ടിട്ടോ

മനസ്സാകവേ ഉതിരുമമൃത മഴയായ് ഓ...

പൊന്നമ്പിളി പൊട്ടും തൊട്ട് മലർ മഞ്ഞു മാലയിട്ട് 

നിലാവു പോൽ മെല്ലെയന്നവൾ മുന്നിൽ വന്നപ്പോൾ